香港快意討論區 - Powered by Discuz! Board

標題: 油壓孔設定 , 直D好 , 定斜D好呢?? [打印本頁]

作者: raypoon 時間: 2011-4-26 16:03 標題: 油壓孔設定 , 直D好 , 定斜D好呢??

揾到遍唔錯既文章:

油壓放直左, 那在同一搖臂行程量下,而因leverage的關係, 好似用了硬左彈弓, 所以反應快左 , 支油壓行程長左, 以用同一種油同彈弓下, 會變得好似用濃左油, 但因好似用了硬左彈弓, 同一外力下, 搖臂行程量少了
結合以上, 車架滾動量少了, 重量轉移沒那麼激烈, 動作完成時間少了
所以部車反應會感到快左, 好就叫爽, 唔好就叫好神經質
設定結果的方向同用硬彈弓、濃油一樣, 分別係方便快, 只係換位置唔使換彈弓同油

放斜對設定結果的方向相反, 因動作完成時間長了, 部車反應會感到定D, 好叫定, 唔好就叫鈍

當場地抓地力高, 設定的方向一般比低抓地力時, 用硬彈弓、濃油, (相對地), 因為如用太軟彈弓, 車架滾動大大, 重量轉移太激烈外輪增加的抓地力不及內輪減少的抓地力, 總和後整體抓地力下降, 更甚有機會反車, 而且部車會好鈍
所以用較硬彈弓、濃油去減少車架滾動, 或油壓放直D, 或改變滾動中心設定, 把滾動中心提高

基本上頭尾對油壓放直放斜的設定結果的方向一樣, 但以頭對尾來說, 即車架縱向滾動就有影響
例如尾不變, 頭放斜d, 設定結果的方向就像頭用左較軟彈弓, 收油入灣車架縱向滾動向前大左, 重量轉移到頭輪大左
結果頭轉向反應較大, 傾向轉向過大, 即係頭咬D, 但單以頭計, 因動作完成時間長了, 部車反應又會感到定D, 因為去到灣心都未跪完, 會令駕駛人等佢, 唔敢俾油, 快入慢出
相反直d 入灣第一下反應怏d但冇咁轉, 但因動作完成時間快, 可以早D俾油, 而因on thottle 時車架縱向滾動向後太D, 會推D

以上一切所謂軟硬係相對的

而因應場地咬地力有以上設定, 而場地平坦度又有影響,平坦的可用較硬的彈弓, (當然要符合上面的setting), 配濃油來組合個damping effect 阻尼, 令車架不會有underdamp 過低阻尼而跳跳下, 但太濃油會 overdamp 過高阻尼而在跳到凹凸位時吸不到震而跳起, 所以過高過低阻尼都降低車輪有效抓地時間, 所以要找到個彈弓同油的組合去達至critical damp 理想臨界阻尼

咁如果個場地咬地力OK, 但有D凹凸, 如用硬D彈弓, 會因吸不到震而跳跳下, 但不換彈弓部車又太Roll, 影響在灣時的抓地力, 點算?
1. 可通過改變滾動中心設定, 減少車架橫向滾動
2. 使用anti-roll bar 防傾桿, 防傾桿作用在單以頭或尾獨立去看, 就像用了較硬彈弓, 因防傾桿把外輪側對彈弓施加的力轉移到內輪側的彈弓, 同時令瞬時車高下降少少, 減少了滾動量, 所以可以達到不換彈弓也像用了較硬彈弓

但為何不直接用較硬彈弓
因用防傾桿不影響車架縱向滾動/ 重量轉移, 亦不影響吸震效能

歡迎光臨香港快意討論區 (http://forum.hkfiatclub.com/)