月入逾 10萬元，未能在港島置業？

古惑強

http://hk.apple.nextmedia.com/te ... amp;art_id=13319264

入市無門 律師行合夥人「買唔起」

「中產草根做得咁辛苦，都係希望自己置業。」任職律師行合夥人的徐沛雄，太太也是執業大律師，夫婦倆月入逾 10萬元，偏偏卻未能在港島購買一個舒適單位。特首曾蔭權在施政報告表示關注樓市，徐反指特首只顧及幾個大地產商的利益，「睇見市民水深火熱，都唔去做，淨係做應聲蟲。」
東區太古城一個約 800呎單位，少說也要 600萬至 700萬元，還未計算按揭及律師手續費用。徐沛雄形容逾 10萬元絕對是不俗的家庭收入，但他承認沒有能力在港島區購入一個心儀單位，只好在大坑租住月租兩萬多元的單位，若想在同區購入一個較新單位，「郁都過千萬，儲錢幾時先儲得到？」


港島置業有難度
特首勸告有意置業一族，考慮購入一些較偏遠地區的單位「起步」，徐沛雄直言不切實際，他每天朝早 9時上班，完成工作隨時已是半夜零時，「唔通仲叫我搭個幾鐘頭車，返去天水圍？」他指政府放寬內地移民，讓熱錢流入托高樓市，卻不肯恢復定期賣地，讓市民安心樓宇有穩定供應，說穿了還是「幫住大地產商，私相授受。」

家庭月入逾十皮野,恭喜你！ 你絕對係有料之人,絕對係比上不足比下有餘既中(上)產人士! 唔算係中產草根喇！

你話你買唔起心儀既單位，覺得樓價太貴！
講真果句，我真係唔識睇股、樓市，成日都睇錯市，所以我唔敢講個樓市會唔會、同幾時爆煲，所以同你計返d實質既野！

月入十萬，拎一半出黎供樓，月供五萬，按揭年利率 5% (現時為2% ，但係留返d空間走俴啦！)，供二十年期。
用供樓既現金價值計算法(Excel 試算表) =PV(rate,nper,mpt)
PV(5%/12, 20*12, $50,000) = ($7,576,265.65)

即係話銀行可以借到 七百五十幾萬比你兩夫婦，以七成按揭計算，你兩公婆可以供得起一千零八十萬既單位，但係你要先付出三成樓價，大約係三百二十四萬左右，仲要預返五十萬黎比犛印、律司費同俑金！如果你同你老婆一毫子儲蓄都冇，每個月儲五皮野，唔計存款或投資複式利息，大約要儲六年左右！ 但係如果你兩公婆加埋都冇乜儲蓄的話，咁你地要好好自己反醒一下啦，你地好可能根本唔太悉合供樓！  

如果你已經有三百多萬儲蓄，咁借埋按揭共一千萬可以買到d乜野樓呢？
文章中冇講你地有冇小朋友，咁我當你地現在冇，而將來可能有吧，咁就唔好搵太細既單位喇！
如果係七百呎既樓，你地買得起 一萬四千蚊一呎既樓！
如果係八百呎既樓，你地買得起 一萬二千蚊一呎既樓！
如果係一千呎既樓，你地買得起 一萬蚊一呎既樓！

依位中產老細 (partner 嘛)，以上既呎價，已經買得起現時d癲價偽豪宅低層冇景單位(當然買親都有dd昂昂地車既)！但係以依個呎價係二手市場，連太古城中高層開揚景係有機過喎！睇唔o岩的話，可以遊過隔黎康宜同康山，果邊d呎價合理d，南豐都幾OK架！  舊些少既中半山普通景單位都有交易，東半山既仲開揚d添！  

當然以上種種都未必係你既所謂港島區心儀單位，如果你諗緊紅山半島或赤柱既真豪宅地段就真係鎖你喇！ 我諗你要先狂儲錢、同個樓市鬥長命等下一劑爆煲之後先好入市喇！又或者你唔想向銀行借太多銀兩、唔想做樓奴，又或者你唔想供二十年、想早些退休等種種原因。但咁樣只係你覺唔願比、唔值得供，而唔係買唔起喎！



其實我點解要寫咁Q多野呢? 我唔係想講個市係高定低 (我早就自認唔識睇)，我只係睇到依段文章就眼火都爆出黎，試想想一個月入十萬既專業人士家庭，竟然出黎無病呻吟，要個政府為中產做乜做乜！我唔係話個政府做得好(其實做得頗不濟)，我亦都唔係幫地產商講說話(我覺得好多做到奸商咁)，我只係氣憤在一個身在福中不知褔既有知識人士，竟然可以講d咁既野出黎！ 咁月入一、二萬既家庭又點生存呢？唔通佢地賤d，住遠d就係應該既，而你因為係專業人士做得夜而一定要住港島區先合理? 有唔少既打工仔要返市區夜班住新界北區，大家又未係咁捱，只不過分別在有人希望努力捱出個明天，今日住得遠，用努力加儲蓄同投資，一步一步咁去改善自己既生活環境，逐步逐步由小屋搬大屋，由遠搬到近！如果要一步登天的話，你只好怪你自己冇含金鎖匙出世或冇六合彩橫財運，而唔係怪個政府同個樓市啦！ 個市有起就一定有跌，你只好問自己係舊年九月至今年三月果時(我都冇入樓、股市)，唔夠眼光、冇人家咁有勇氣，係跌市中搵到又平又好既筍盤，事到如今只好再等下一劑大跌市再黎過啦！

語重心長的一句，予其怨天尤人、倒不如埋頭苦幹，靜侯事機！

仲有，個總編邊有可能比ｄ咁既質數文章出街架！

Simon

D人真係好撚on 9, 以為自己好優越.
佢好似晒命咁. 食屎啦.

puntoarvin

返工成日見到呢啲"優越"的中產人仕, 串到爆炸, 以為自己真係比"你地"高級!

試過有一次, 一家三口上機, 咁我要送份玩具俾佢個小貧友.
點知佢老媽子講句: " 呀女, 俾心機讀書呀, 如果唔係大個就好似叔叔咁, 上機有排捱, 冇出色呀!"
頂, 攞我做人板! 冇所謂, 咁我就真係冇咩點讀書, 冇計!
但我當然立刻彈佢一句: "係呀, 小貧友, 叫你呀媽留返多啲錢俾你, 如果唔係出黎做野有排捱, 冇出色呀!"

Simon

Arvin回得好.
似乎, 現時廣為人知的"中產"就代表一D, 無修養, 品格低劣而收入高但無病呻吟的幸運兒.

marcus

頂班中產唔順, 佢既心儀單位係山頂天比高咩, 無咁既本錢就唔好諗咁 q 高, 佢兩皮野租大坑都夠好多人供起層市區新樓啦 !!!

puntoarvin

其實"中產"個定義好闊, 不過呢班人有個通病, 好鍾意睇唔起人, 以為有個$就比你威...
又再教到啲下一代麻麻煩煩, 一啲都唔識同人溝通/相處.....

機上面見盡人生百態, 咩牛鬼蛇神都有...