本帖最後由 古惑強 於 2012-11-19 13:25 編輯
二十年前, 我打第一份工, 坐d老細車去深井食飯, 其中一位買咗架全新剛落地四門有尾箱雅閣, 二千cc 16v 一百五十匹, 當時行政座駕有成百五匹真係好威架！ 食完飯, 番出黎, 位泊車仔交返車匙, 就指前面泊好, 人手唔夠, 自己去攞啦, 架車乘客位係貼牆泊, 果位老細一摟架車出黎, 我地嘩一聲！ 原来乘客四幅又凹又花, 分明大皮埽埋牆！
一轉頭想揾個泊車仔, 成個檔口都收咗！ 我地有人話報警, 老細話報警有橪用！ 走入去揾個洒家老板理論！ 個經理當然話街外事唔關佢事, 仲叫我地明晚落黎再揾過班泊車仔！ 班老細都唔係善男信女, 佢地係做水泥廠同田騾車隊生意, 比個經理咁耍法, 立刻兇個酒樓經理, 唔比番合理交代, 唔撚使落到班！ 跟住打比佗地叫人落黎, 個經理死死地氣揾老板！ 我本來想繼續睇野, 但d老板怕嚇親我地依d銀行靚仔, 快快推上第二架車走, 下文不詳…………………… |
