喺Office 笑左出聲:
鈴鈴
乜太：喂，x哥，我係乜太啊
x哥：乜事呀？
乜太：我之前係你到兩架車一齊換左兩套呔果位乜太啊
x哥：哦！係呀，有乜問題呀
乜太：我剛剛返完原廠，原廠話架車著左支黃色燈唔關架車事，係呔唔夠氣
x哥：哦，你會唔會比支釘插到漏氣呀？
乜太：有無搞錯呀！我條新呔黎嫁喎！無理由會插釘！你有乜理由換呔唔打夠氣比我！
x哥：咪住，你套呔已經換左兩個幾月
乜太：邊有咁耐，最多咪兩個月
x哥：你開架車過黎比我睇下乜事先！
乜太：你換呔一定要打夠氣比人至得，害死人嫁！！！
x哥：老實講，我換呔打唔夠氣唔會等咁耐先著燈，你打返氣再開過黎比我check下啦
乜太：架車無端端著燈當然返廠睇下啦，點知廠話唔關佢事，搞到我白行一轉
x哥：咁無計啦，你去之前應該睇下跟車手冊，裡面有講，再唔係你可以過黎或者打電話比我
乜太：點知呀，總之你換呔要打夠氣比人，害死人架！
x哥：都話左換呔係一定打夠氣比你
乜太：我條新呔無理由會插釘！
x哥：點解新呔唔會插釘？
乜太：新呔會插釘仲有人買新呔
這時x哥已經激死左
x哥：新呔一樣係用橡膠制造，釘一樣係用金屬制造，點解新呔唔會插釘？
乜太：你下次幫人換呔記得打夠氣比人喇！咁我可唔可以開過黎？
x哥：你打返氣先好過黎，無氣會行爛條呔
乜太：咁你過黎幫我打氣
x哥：點解原廠唔幫你打？
乜太：原廠話唔關佢事
x哥：你插釘都唔關我事
乜太：都話新呔無理由插釘
x哥：咁你都係開過黎比我睇下乜燈先啦
乜太：咪係錶板xxxxxxxxxxxxxx隔離果支囉
x哥：咁多形號牌子車無可能記得所有車錶板燈位置
乜太：咁點呀？
x哥：你不如叫原廠幫你整啦
乜太：條呔你換，你一定要免費幫我整
x哥：你開架車過黎比我睇左乜事先啦
乜太：幾錢先？
x哥：睇就免費，補呔就比補呔錢，行爛左條呔就要重新買過條呔
乜太：點解唔係免費？
x哥：點解要免費？
乜太：係你打唔夠氣
x哥：你都係過黎先講啦，係咁 |
