蘋果
早排同朋友傾開巴士喺大欖隧道行中線算唔算違規嘅問題，朋友話一定要行左線，我就覺得唔行右線便可，最後就上運輸署網頁內《道路使用貼士》嘅隧道指引搵答案。結果指引內只提到巴士唔好行右線，不過我就意外發現指引內容唔少十分過時，其中有些更幾令人費解，如「切勿以手或其他方法推車」及「切勿讓動物在沒有車輛乘載下進入隧道區域」，想講咩呢？正想寫出嚟鬧佢唔清晰之際，突然發現運輸署喺今個星期經已將指引更新，仲將以上兩項無聊指引刪除。其實有啲指引都值得大家留意，好似「遇上壞車都唔可以爬頭」、「遇火警時離開車輛要熄引擎但留下車匙」等，不妨上去睇睇提高一下危機意識。
http://www.td.gov.hk/road_safety/index_tc.htm |
